Shayton raqsga tushadigan majlis

Soz va raqs orasida kimdir yiqilib tushadi, tanasi titray boshlaydi — atrofdagilar esa qarsak chalishadi. Shayxning nasihati aynan shu yerda.

Shayx aytgan manzara

Arab yurtlarida bunday majlislarning nomi bor — kimdir zar, kimdir samiriy, kimdir xabiyti deydi. Soz chalinadi, raqs davom etadi, so'ng kimdir yiqilib tushib, tutqanoq tutganday tipirchilay boshlaydi.

Shayx aytadi — avval odamlar buni ko'rib qo'rqar, chetga chiqib ketar edi. Hozir esa zavqlanadi. Kulib: jinlar ham biz bilan raqsga tushyapti, deydi. Yiqilib tushgan kishini esa yanada qo'zg'aydi.

Bizning yurtimizda ham bu manzara notanish emas — mozor-urslardagi raqslar, hol holati va TikTok-YouTube'dagi jinlar haqidagi jonli kontent. Nomi boshqa, eshigi bitta.

Shayx aytganlari

Allohdan qo'rqing. Bu tanalar omonatdir — bizning o'z mulkimiz emas.

Qiyomat kuni har bir a'zoyingiz, terigiz, titragan har bir narsa — hammasidan so'raladi. Sizdan esa bu tana va ruh bilan nima qilganingiz so'raladi.

Qur'on aytayotgani

وَلَا تَقْفُ مَا لَيْسَ لَكَ بِهِۦ عِلْمٌ ۚ إِنَّ ٱلسَّمْعَ وَٱلْبَصَرَ وَٱلْفُؤَادَ كُلُّ أُو۟لَٰٓئِكَ كَانَ عَنْهُ مَسْـُٔولًۭا

Ozing bilmagan narsaga ergashma! Albatta, quloq, koz va dil — ana o`shalar, mas'uldirlar. (Sura Al-Israa 17:36 — Muhammad Sodiq Muhammad Yusuf)Nusxalash

Quloq nima eshitdi, ko'z nima ko'rdi, qalb nimaning orqasidan ketdi — uchalasidan ham hisob olinadi. Qiziqish nomi bilan ko'rayotgan videomiz ham shu ro'yxatda.

Bugun qiladigan ishlaringiz

1. Bunday majlis-tadbirlardan bugunoq uzoqlashing — oddiy tomoshabin sifatida ham bormang.
2. Jin majlislari haqidagi qiziqish uyg'otadigan kontentni ko'rishni to'xtating; lentangizni tozalang.
3. Kimdir tutilib qolsa, kulmang — Qur'on o'qib unga yordam bering.
4. Avval borgan bo'lsangiz, ruhingiz tushmasin; tavba eshigi ochiq.

Manba: Shayx Xolid ibn Ibrohim al-Hibashiy (ruqya bo'yicha mutaxassis)ning suhbati asosida

Tarjima va tuzuvchi: roqiy Faysal Ahmad Sobit — Al Qur'on Ruqya Davolash Markazi