Tayyorgarlik tugadi. Endi zalga kirish navbati.

Tayyorgarlik qanday bo'lishidan qat'i nazar, shunday bir lahza keladiki, barcha usullar to'xtab qoladi.

Zal eshigi oldida turgan lahza.

Qo'llar muzdek, ko'krak ichida yurak gupillaydi, miyada esa faqat bitta gap — "Agar hech narsa esimga kelmasa-chi?"

Bugun aynan shu lahza haqida gaplashamiz.

Avvalo ba'zi ko'rsatmalar

1. Hamma narsadan oldin o'quvchi Alloh unga farz qilgan ibodat va itoatni lozim darajada ado etishi kerak.

2. Payg'ambar ﷺ dan rivoyat qilingan zikrlar va vazifa duolari orqali, shuningdek Qur'on oyatlari bilan ham o'zini himoya qilib turish. Ayniqsa imtihon kuni ularni ko'proq o'qish.

3. Dangasalik yoki uyqu hissi bo'lsa, bir piyola choy ichish, toki miya quvvat va diqqat olsin.

4. Bosh og'rig'i bo'lsa, uning chorasini ko'rish, toki ko'ngil tiniq bo'lsin.

5. Qo'rquv va titroqqa ko'ngilda joy olishiga yo'l qo'ymaslik — chunki bu o'quvchini orqaga tortadigan va javob berishdan sovutadigan eng kuchli sabablardan biridir.

6. Imtihon zaliga to'liq pokiza holda kirish. Askar qurolsiz jang maydoniga kirmagani kabi, mo'minning quroli ham tahoratdir.

7. O'ziga ishonchni saqlash. O'ziga ishonch bilan kirgan o'quvchiga javob berish oson bo'ladi. U Rabbisiga tayanadi, U uni noumid qilmaydi.

8. Zalga to'liq takrorlash bilan kirish — hech bir mayda masala ham qolib ketmasin.

9. Bir mavzuni takrorlashdan boshqasiga o'tmaslik, birinchisi to'liq tugamaguncha — toki mavzular bir-biriga aralashib ketmasin.

🚶 Zal tomon ketayotganda

رَبِّ أَدْخِلْنِي مُدْخَلَ صِدْقٍ وَأَخْرِجْنِي مُخْرَجَ صِدْقٍ وَاجْعَلْ لِي مِنْ لَدُنْكَ سُلْطَانًا نَصِيرًا

Talaffuzi: Robbi adxilni mudxola sidqiy va axrijni muxroja sidqiy vaj'al li min ladunka sultonan nasiro.

Ma'nosi: Ey Alloh, meni haqiqat bilan kirgizing va haqiqat bilan chiqaring, va O'zingiz tomondan menga yordamchi kuch ato qiling.

📄 Savol varaqasini olgandan keyin

Avvalo o'zingizni bosib olishingiz, xotirjam bo'lishingiz va o'zingizdan titroq hamda qo'rquvni daf qilishingiz kerak. Va ayting —

رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِنْ لِسَانِي يَفْقَهُوا قَوْلِي

Talaffuzi: Robbishrah li sodriy, va yassir li amriy, vahlul uqdatam mil lisaniy yafqohu qavliy.

Ma'nosi: Ey Rabbim! Ko'ksimni kengaytirib bering va ishimni osonlashtiring. Va tilimdagi tutilishni yeching, toki ular so'zimni tushunsinlar. (Toha surasi, 20:25–28)

Keyin —

• Birinchi ish — savolni to'liq o'qish va uning ichidagi mazmun haqida chuqur o'ylab, asosiy maqsadni anglash. Chunki ko'p o'quvchilar savolning maqsadini tushunishda xato qiladi va so'ralmagan narsaga javob berib qo'yadi.
• Avval oson va sodda savollar, keyin qiyin savollar — toki vaqt bekor ketmasin va ko'p ball yo'qotilmasin.
• Atrofga qaramasdan butun e'tiborni o'z daftaringizda saqlash.
• Qalam, chizg'ich, kalkulyator — barcha jihozlar bilan tayyor turish.

😰 Imtihon qiyin tuyulganda

اللَّهُمَّ لَا سَهْلَ إِلَّا مَا جَعَلْتَهُ سَهْلًا، وَأَنْتَ تَجْعَلُ الْحَزْنَ إِذَا شِئْتَ سَهْلًا

Talaffuzi: Allohumma la sahla illa ma ja'altahu sahlan, va anta taj'alul hazna iza shi'ta sahlan.

Ma'nosi: Ey Alloh, Sen oson qilganingdan boshqa hech narsa oson emas, va Sen xohlasang, qiyin narsani ham oson qilib qo'yishing mumkin.

🤔 Savolni tushunmaganda

يَا مُعَلِّمَ إِبْرَاهِيمَ عَلِّمْنِي، وَيَا مُفَهِّمَ سُلَيْمَانَ فَهِّمْنِي، وَيَا مُؤْتِيَ مُحَمَّدٍ صَلَّى اللَّهُ عَلَيْهِ وَسَلَّمَ آتِنِي

Talaffuzi: Ya Mu'allima Ibrohima allimni, va ya Mufahhima Sulaymana fahhimni, va ya Mu'tiya Muhammadin sallallohu alayhi va sallama a'tini.

Ma'nosi: Ey Ibrohimga ta'lim bergan Zot, menga ta'lim bering! Ey Sulaymonga anglash ato etgan Zot, menga anglash ato eting! Ey xo'jayinimiz Muhammad ﷺ ga ato etgan Zot, menga ham ato eting.

Bir narsani esda tuting

Bu duolar mehnatning o'rnini bosmaydi. Agar tayyorgarlik ko'rmasangiz, duo o'qib o'tirishning o'zi yetmaydi.

Lekin agar tayyorgarlik ko'rgan bo'lsangiz, shu duolarning o'zi hech bir usul bera olmaydigan narsani beradi: qalb xotirjamligini.

Xotirjam qalb bilan o'tirsangiz, o'qiganlaringiz esingizga tushish ehtimoli bir necha barobar oshadi. Qo'rquv eng katta unutdiruvchidir.

Ertaga 30-kun — turkumning oxirgi kuni. Ilm va xotira kuchi uchun ruqya yo'riqnomasi va o'z-o'ziga ruqya.

Duolarning skrinshotini olib, telefoningizda saqlab qo'ying — imtihon kuni inshaalloh asqotadi.

Alloh barchamizga imtihonda yaxshi muvaffaqiyat ato qilsin. Omin.

Bu maqola "O'rganish san'ati" kitobining bir qismi asosida yozilgan. To'liq tuzilma, qolgan boblar va ilm, duo va ruqya qismi kitobda mavjud — kitobni ko'ring