Cramming o'zi yomon emas. Muammo usulda.

"Cramming yomon" — bu gapni shunchalik ko'p eshitganmizki, savol ham bermaymiz.

Lekin asl gap shu:

Cramming o'zi yomon emas. Muammo usulda.

Amalda ba'zan vaqt kam bo'lishi tabiiy. Savol shundaki — o'sha kam vaqtdan qanday foydalanasiz.

Odatda odamlar ikkita xato qiladi —

Xato 1: tunni uyqusiz o'tkazib, pasaygan qobiliyat bilan o'qish. Xato 2: shunchaki yodlab, imtihonda aytib qo'yish.

Ikkalasi ham zaif, qisqa muddatli bilim hosil qiladi. Birinchisi esa yana ham yomon — chunki uyqusiz o'qiganingiz saqlanmaydi (buni 06-kunda aytgan edim).

Unda to'g'ri usul qanday?

Usul: ma'ruza bo'yicha emas — qatlam-qatlam

Ko'pchilik talabalar ma'ruzalarni birma-bir o'qiydi. Ma'ruza 1, keyin 2, keyin 3.

Buning o'rniga butun mavzuni bitta blok deb olib, qatlam-qatlam o'qing.

Birinchi qatlam: eng katta va eng muhim concept'lar. Faqat ular, butun mavzu bo'ylab. Ikkinchi qatlam: undan quyi bosqichdagi tushunchalar. Uchinchi qatlam: mayda tafsilotlar.

Ya'ni siz yuqoridan pastga tushyapsiz, chapdan o'ngga yurmayapsiz.

Nega bu ishlaydi?

Asosiy tushunchalarni avval mustahkam o'zlashtirsangiz, ular bir tuzilma hosil qiladi. Tuzilma bo'lsa, qolganini siz mantiq bilan taxmin qila olasiz.

Mana bir hisob-kitob bor, uni eshitib ko'pchilik hayron bo'ladi:

Bu bilan o'qilmagan savolga ham to'g'ri javob berish ehtimoli 25 foizdan 70 foizgacha ko'tarilishi mumkin.

Bir o'ylab ko'ring. Siz mavzuni o'qimagansiz — lekin asosiy tuzilmani bilganingiz uchun mantiq yurgizib, ko'p hollarda to'g'ri javobga yetib borasiz.

Tuzilmaning kuchi aynan shunda.

Eng muhim hisob-kitob

Ajratilgan holda 60 ta ma'lumotni yuzaki yodlashdan ko'ra, 20 ta concept'ni chuqur tushunib, ularning o'zaro bog'liqligini bilish ancha ko'p ball keltiradi — ayniqsa short answer savollarida.

Chunki 60 ta ajratilgan ma'lumotning har biri faqat bitta savolga javob beradi (agar o'sha savol kelsa). Lekin 20 ta o'zaro bog'liq tushuncha birgalikda son-sanoqsiz savolga javob hosil qila oladi.

Flash card qayerda?

Mayda tafsilotlar uchun flash card saqlang — hech qisi yo'q.

Lekin bir gapni yodda tuting, eshitishga og'ir, ammo haqiqat:

O'qilgan mayda tafsilotlarning taxminan 90 foizi imtihonda umuman kelmaydi.

Shu sababli — oxirgi daqiqada konspektlarni titkilash asosan xavotir, o'rganish emas.

Imtihondan oldingi yarim soatda konspektlarni varaqlab o'tirganda sodir bo'ladigan narsa tayyorgarlik emas. Bu xavotirni bosish uchun qilinadigan bir odat. Aksincha, o'sha vaqtni xotirjam o'tkazib, duo o'qib, boshingizni toza saqlab kirsangiz, ancha yaxshi natija ko'rsatasiz.

Asl maqsad nima?

Haqiqiy bilim first principles'dan mantiq yurgizib, nuqtalarni bog'lash orqali ishlaydi.

Imtihonda, kasbda, hayotda — hamma joyda.

Siz hech qachon hammasini bilmaysiz. Hech kim bilmaydi. Lekin asosiy tamoyillarni bilsangiz, notanish vaziyatda ham mantiq yurgizib oldinga borishingiz mumkin.

Bu qobiliyatni qancha rivojlantirsangiz, shuncha oldinda bo'lasiz — faqat shu imtihonda emas, hamma joyda.

Ertaga 27-kun — AI yordamida o'rganish: o'z aqlingizni yo'qotmasdan undan qanday foydalanish kerak.

Imtihondan oldingi kechasi uyquni qirqmang — bu bugungi eng samarali maslahat.

Alloh imtihonimizda bizga yaxshi muvaffaqiyat ato qilsin. Omin.

Ushbu maqola "O'rganish san'ati" kitobining bir qismi haqida. Butun tuzilma, qolgan boblar hamda ilm, duo va ruqya qismi kitobda mavjud — kitobni ko'ring