Tushda onani qayta-qayta ko'rish — tashxis va shifo kaliti

Siz avvaldan sehr (jodu) yoki mass (jin tegishi) bilan zararlangan deb aniqlangansiz va tushingizda onangizni qayta-qayta salbiy manzaralarda ko'ryapsizmi? Buning muhim bir izohi va shifo kaliti bor, inshaalloh.

Avvalo shuni tushunib oling

Birovga jodu qilinayotganda jodugar ko'pincha onaning ismini zararlanuvchining ismiga qo'shib qo'yadi — sehrda onaning bog'liqligi shu tariqa paydo bo'ladi. (Buning teskarisi to'g'ri emas — ona sehrga uchrasa, sizning ismingiz ham u bilan bog'langan bo'ladi, degani emas; faqat ona homilador paytida sehrga uchragan bo'lsa, bu istisno.)

Shu sababdan sehrdan zararlanganlarning tushida onaning qayta-qayta salbiy ko'rinishi — kasal ona, hayvon qiyofasidagi ona, ovozi o'zgarib qolgan ona — sehrning dalili sifatida qaraladi, vallohu a'lam.

Uyg'oqlikda ham bir ishora bor

Onaga nisbatan sababsiz nafrat, g'azab, noqulaylik his qilish (tushda emas, haqiqatda) — bu ham butun oila nomiga birga sehr qilinganini yoki onaning o'zi ham sehrga uchraganini bildiradi.

1-kalit — ona hayot va munosabat yaxshi

O'zingiz muntazam azkor-ruqya qilsangiz ham shifo to'liq bo'lmayotgandek tuyulsa, balki yo'qolgan bir halqa qolgandir — ona. Onangizdan sizga atab suvga sura o'qib berishini, duo qilishini so'rang; siz o'sha suvni ichib, g'usl qiling.

Imkon bo'lsa, ona tahorat olib, Qur'on bo'yicha suvga tilovat qilsa va siz o'sha suv bilan g'usl qilsangiz, ko'pchilik alohida foyda ko'rgan, inshaalloh.

2-kalit — ona vafot etgan

Onangiz vafot etgan, munosabat yaxshi bo'lgan, shunday bo'lsa-da, tushingizda uni qayta-qayta ko'rasizmi? Uning nomidan ko'proq sadaqa qiling va u uchun duo qiling — aynan shu shifoning yo'qolgan qismini to'ldiradi, inshaalloh.

3-kalit — sehr sababli munosabat murakkab

Onangiz bilan munosabat sehr sababli yomonlashgan bo'lsa yoki ona o'zi ham sehrga uchrab, davolanishni qabul qilmasa — sehr sababli paydo bo'lgan bog'liqlikni uzish niyatini qiling:

1. Har kecha 2 rakat nafl namoz o'qing.
2. Ikki kaftingizni ochib, ularga Fotiha surasini 3 marta va Oyatul Kursiyni 3 marta o'qing.
3. Duo qiling — onangiz bilan sehr sababli paydo bo'lgan har bir salbiy bog'liqlik uzilishi uchun.
4. Pufla, so'ng bosh, yelka, qo'l, qorin va butun tanangizni silang, go'yo nimadir uzib tashlayotgandek his qiling.

E'tibor bilan tushuning

O'z ahvolingiz shu uch kalitdan qaysi biriga mos kelishini aniqlab oling — ona hayot va munosabat yaxshi, ona vafot etgan yoki sehr sababli munosabat murakkab. To'g'ri kalitni qo'llasangiz, shifoning yo'qolgan qismi to'ladi, inshaalloh.

Tushunarsiz tuyulsa, postni qayta o'qing — o'z holatingizni tushunib, to'g'ri qismini qo'llang.

Manba: Shayx Favoz al-Asvad (Madinatul Ilm)

Tarjima va tuzuvchi: roqiy (ruqya qiluvchi) Faysal Ahmed Sobit — Al Qur'on Ruqya Healing Center