Eng xavfli ta'sir — jimgina azob beradi, sekin tuzaladi

Ruqya paytida na biror narsa ko'rasiz, na eshitasiz, na tipirchilaysiz — lekin hayotingizda ta'attil, kechikish va g'alati tushlar tinmayaptimi? Aynan shu "to'rtinchi toifa" — eng xavflisi, chunki jimgina ish qiladi.

Eng katta xato

Bu toifadagi kishilar davolanish juda kuchli, juda qattiq va juda uzoq bo'lishi kerak deb o'ylashadi — hech narsa sezmasalar, foyda bo'layotgani yo'q deb hisoblashadi. Aslida bunday ta'sirning kaliti kuchli zarba emas — sekinlik, takrorlash, sabr va izchillik. U zarbadan emas, asta-sekin zaiflashadi.

Esda tuting — maqsad ikki kun kuchli boshlash emas, balki 30 kun tinch-osoyishta davom ettirishdir.

Ertalabki amal

1. Uyqudan turgach yoki uydan chiqishdan oldin bir stakan suv oling.
2. Oyatul Kursiyni 7 marta + Falaq surasini 7 marta + Nos surasini 7 marta o'qib, pufllang.
3. Istig'forni 100 marta o'qib, yana pufllang.
4. Biror narsa yeyishdan oldin shu suvni iching.

Kunduzi va uxlashdan oldin

Kunning istalgan qulay vaqtida davolanish niyatida Qur'on o'qing yoki ta'attil uchun ruqyani tinglang — Yosin surasi, Kahf surasi, Nur surasini navbatma-navbat o'qing, har kuni birini tanlang.

Uxlashdan oldin — ikki kaftingizni ochib, ularga Oyatul Kursiyni 1 marta, Baqara surasining oxirgi ikki oyatini 1 marta, Toriq surasini 1 marta o'qib pufllang, so'ng yuz-qo'l-ko'krak bilan birga tanangizni imkon qadar siypalang.

Haftalik amal

Haftasiga 2 marta (masalan, dushanba va payshanba) bir shisha suvga Soffot surasini 1-3 marta o'qib, butun tanangizni siypalang yoki purkang. Bu ta'sirni yanada chuqurlashtiradi, yashirin narsani oshkor qilishga yordam beradi, inshaalloh.

Bitta qo'shimcha narsa qo'shing

Yuqoridagi dasturga bitta qo'shimcha narsa qo'shing — Fotiha surasi yoki Falaq surasini kunning istalgan vaqtida jami 100 marta o'qing. Bir yo'la qiling yoki bo'lib — ertalab-tushda-kechqurun, qulay bo'lishicha.

Mana bu xatolardan saqlaning — hech narsa sezmadim deb dasturni tashlab qo'yish, har kuni dasturni almashtirish, tez natijani kutish, davolanishni his-tuyg'u bilan bog'lab qo'yish.

Kamida 30 kun davom ettiring

To'rtinchi toifadagi yaxshilanish jimgina bo'ladi, bu ta'sir ham jimgina kelgan edi. Birinchi alomat tushda, ichki yengillikda yoki hayotdagi mayda o'zgarishlarda paydo bo'ladi — bu haqda batafsil keyingi postda bo'ladi, inshaalloh.

Kuch emas, izchillik — bu ta'sirning asl davosi.

Manba: Shayx Favoz al-Asvad (Madinatul Ilm)

Tarjima va tuzuvchi: Roqiy Faysal Ahmad Sobit — Al-Qur'on Ruqya Healing Center