Jin-shayton kuzatuvi ostida bo'lishning 4 ta alomati

Ruhoniy muammolarga duchor bo'lgan ko'pchilikda ba'zi alomatlar ko'zga tashlanadigan darajada qayta-qayta qaytib keladi. Alomatlar qanday, bu kuzatuv nega bo'ladi va xalos bo'lish yo'li nima — bularning hammasi bugungi postda, inshaalloh.

4 ta alomat

• 1. Tushda ta'qib qilish va kuzatish: kimdir qarab turibdi, ortidan kuzatmoqda — odam, hayvon, ko'z, hatto kuzatuv kamerasi; haftalar, oylar, yillar davomida qayta-qayta keladi
• 2. Yolg'iz bo'lsangiz ham "kimdir ko'rib turibdi" degan tuyg'u: ayniqsa ibodat, tilovat yoki davolanishni boshlaganingizda; yaxshilanish arafasida yanada kuchayadi
• 3. Sirlarning sababsiz oshkor bo'lishi: har bir reja va muvaffaqiyat haqidagi xabarni bilmasligi kerak bo'lgan odamlar ham bilib qoladi
• 4. Zikr va Qur'on o'qishga o'tirganda to'siq chiqishi: kun bo'yi odatdagidek, lekin mushafni qo'lga olishingiz bilan mudroq, esnash, unutish, telefon, xabarlar va ishlar to'lqini

Bu kuzatuv nega bo'ladi?

• Jodu qilingan bo'lsa — sizning xabaringiz jodugarga yetib boradi, shunda jodu yangilanishi mumkin
• Kuchli hasad/ko'z tegishining tavobi'si (hamroh shayton) kuzatib turadi — shunda sizni davolanishdan chalg'itib qo'yishi mumkin
• Ta'attilning tavobi'si xabar to'playdi — shunda maqsadingizga sizdan oldin yetib borib hammasini barbod qilishi mumkin — Vallohu a'lam

Asosiy qoidani yodda tuting: hamma narsani jin-shayton deb o'ylash to'g'ri emas. Lekin alomatlar birgalikda, qayta-qayta paydo bo'lsa — qo'rquv bilan emas, himoya bilan mashg'ul bo'ling.

Xalos bo'lish yo'li (1-qism)

1. Ertalabki va kechqurungi zikrlar — har kuni, qoldirmang.
2. Har namozdan keyin va uxlashdan oldin Oyatul Kursiy — 3, 5 yoki 7 marta
3. Ertalab va kechqurun Ixlos, Falaq va Nos suralari — har biri kamida 7 marta
4. Yosin surasini ko'proq o'qing — kuniga 1-3 marta, muntazam.

Xalos bo'lish yo'li (2-qism)

1. Yosin surasining 9-oyati ertalab va kechqurun — imkon bo'lsa 100 marta (Va ja'alna min bayni aydihim saddan...)
2. Isro surasining 45-oyati — imkon bo'lsa ertalab 100, kechqurun 100 marta (oyat keyingi kartada)
3. Namozni vaqtida o'qish — himoyaning eng katta vositalaridan biri.
4. Qo'rqmang, umidingizni uzmang — haddan tashqari qo'rquv shaytonning eng katta istagidir.

Alomatni sezsangiz, alomatning o'zi bilan emas — Qur'on, zikr va itoat bilan mashg'ul bo'ling. Alloh kim bilan bo'lsa, unga hech kim zarar yetkaza olmaydi — Allohning iznisiz.

Isro surasi, 45-oyat

وَإِذَا قَرَأْتَ ٱلْقُرْءَانَ جَعَلْنَا بَيْنَكَ وَبَيْنَ ٱلَّذِينَ لَا يُؤْمِنُونَ بِٱلْءَاخِرَةِ حِجَابًۭا مَّسْتُورًۭا

Qachon Qur'on qiroat qilsang, sen bilan oxiratga iymon keltirmaydiganlar orasida ko`rinmas parda qilurmiz. (Sura Al-Israa 17:45 — Muhammad Sodiq Muhammad Yusuf)Nusxalash

Kuzatuvga javob aynan shu oyatda — Alloh O'zi sizning va ularning o'rtasiga ko'rinmas parda tortib qo'yadi. Subhanalloh!

Manba: Shayx Favoz al-Asvad (Madinatul ilm)

Tarjima va tuzish: roqiy Faysal Ahmed Sobit — Al Qur'on Ruqya Healing Center