Inson-tobi'a — hasadgo'y odamning indamay ortingizdan qolmasligi

Doim shayton tobi'asi yoki qarin haqida gapiriladi — lekin eng xavfli ortidan qolmaslik ba'zan odamdan bo'lishi mumkin: u qo'l tekkizmasdan ham hayotingizni to'xtatib qo'yadi.

Inson-tobi'a nima degani

Bir kishi — erkak yoki ayol — indamay sizni kuzatadi, tez-tez sizning xabaringizni so'raydi, nima qilganingiz, nima sotib olganingiz, qayerga borganingizni hammasini bilmoqchi bo'ladi. Ko'rinishdan qiziqayotgandek tuyulsa-da, ichida hasad, qiyoslash va sizning ne'matingizdan noqulaylik bo'ladi.

U to'g'ridan-to'g'ri zarar bermaydi — lekin to'xtovsiz salbiy e'tibor yuborib turadi, xavf ham aynan shundan boshlanadi.

Qanday zarar yetkazadi

Qachonki kimdir shu tarzda sizga haddan tashqari band bo'lsa, ismingizni tez-tez o'zi bilan bog'lab o'ylasa, ko'z oldiga suratingizni qayta-qayta keltirsa — yuragida esa hasad yoki adovat bilan — o'shanda u bilmagan holda salbiy kuchni qayta-qayta yuborib turadi.

Bu, ehtimol, sehr (jodu) emas, lekin hasadgo'y qalbda qayta-qayta eslash o'zi bir xil chaqiriqdir — takrorlanishi bilan uning ta'siri ko'rina boshlaydi, vallohu a'lam.

Belgilari

• To'satdan ba'zi ishlarda ta'attul
• Qayta-qayta yomon tushlar
• Sababsiz noqulaylik, avval yoqadigan narsalarga ishtiyoqsizlik
• Kimdir doim qarab turgandek tuyg'u

Esda tuting — har bir ta'attulning sababi jodu yoki jin bo'lavermaydi; ba'zan sabab bir inson bo'ladi, u sizga qarayverib charchamaydi.

Qanday taniysiz

• G'ayritabiiy darajada ko'p xabar so'raydi
• Aloqa kamayganda jahli chiqadi
• Sizning yutug'ingizdan xursand bo'lish o'rniga noqulaylik his qiladi
• Doim hayotingizning mayda-chuydalarini bilmoqchi bo'ladi — u sizni emas, o'zini siz bilan qiyoslashni istaydi

Chora — oddiy, lekin ongli

1. O'zingizning har bir xabaringiz, har bir muvaffaqiyatingizni hamma bilan ulashmang.
2. Hayotingizning mayda-chuydalarini batafsil aytishni kamaytiring — ozgina yashirinlikning o'zi himoyadir.
3. Tez-tez xabar so'rayvergan kishidan ongli ravishda masofa saqlang.
4. O'zingizni himoya qiling — ertalabki va kechqurungi zikrlar, Oyatul Kursiy, Ixlos surasi va Muavvizatayn bilan.
5. Hayotingizni oz sonli odamlar oldida ochiq qoldirmasdan, ishonchli doirani kengaytiring.

So'nggi so'z

Inson-tobi'a hech qanday ertak emas — bu xavfli xulq namunasi: hasad va salbiy fikrlar orqali kimdir o'zini sizga bog'lab turibdi. Eshikni yopish mas'uliyati sizda — qo'rquv bilan emas, donolik bilan.

Ba'zan yechim uzoq ruqya emas — aqlli masofaning o'zi yetarli. Alloh bizni har bir hasadgo'y va ortimizdan qolmaydigan odamdan himoya qilsin.

Manba: Shayx Favoz al-Asvad (Madinatul ilm)

Tarjima va tuzish: roqiy Faysal Ahmed Sobit — Al Qur'on ruqya davolash markazi