Sehrdan (jodu) ham xavfliroq bo'lishi mumkin — qarinning kuchli tasallutu

Ko'pchilik ko'plab ruqya dasturlarini bajargan, ba'zi alomatlarda yaxshilanish ham ko'rgan — shunga qaramay ta'attil, bezovtalik va bir xil muammo qayta-qayta qaytib kelaveradi. Sababi, ehtimol, sehr (jodu) emas — o'zingizning qarinning kuchli tasalluti.

Qarinning o'zi mass (jin tegishi) rolini olganda

Qarinning tasalluti kuchli bo'lsa, u faqat kayfiyat va vasvasa bilan cheklanib qolmaydi — qarorlarga aralashadi, sababsiz muhim ishlarni qayta-qayta kechiktirtiradi. Hatto hech kimga aytilmagan narsada ham — ko'ngilda o'ylangan biror rejada ham to'satdan istamaslik, qo'rquv va qiziqishsizlik paydo bo'lib, chulg'ab oladi.

Tush va ruhiy alomatlar

• Tushlar tartibsiz yoki salbiy xabarlarga to'la; yaxshi tushlar ham buziladi
• Muvaffaqiyatsizlik, qo'rquv, yo'qotish va quvilish haqidagi tushlar qayta-qayta
• Kichik noxush voqea haqida soatlab o'ylanib yurish, ammo ne'matlar va muvaffaqiyatlarga ko'ngil bormaslik
• Sababsiz charchoq, g'amginlik, yolg'izlik, achchiq, shubhaga moyillik, odamlardan sababsiz bezish

Hatto oilaviy janjal va ajralishning ko'p holatlari ortida ham mana shu kuchli qarin tasalluti bo'lishi mumkin, vallohu a'lam.

Birinchi qadam

Faqat sehr (jodu) ortidan yugurmay, qarinni davolashga ham e'tibor bering. Qarin ruqyasi va qarin dasturida izchil bo'ling — to'xtamang, har bir roqiy (ruqya qiluvchi) boshqa-boshqa turdagi sehr (jodu) deb aytsa ham, adashmang.

Kundalik amal

1. Har namozdan keyin Kofirun surasi — 3, 5 yoki 7 marta.
2. Uxlashdan oldin har kuni Toriq surasi — bundan ko'pchilik katta foyda ko'rgan.
3. Suv va tuzga Qof surasini o'qib cho'milish — 1, 3, 5 yoki 7 marta.

Kundalik odat

• Har kuni 1-2 soat piyoda yurish, bilan birga ko'proq "La ilaha illalloh" — tana ham, ruh ham tetiklashadi
• Har kuni istig'for (kechirim so'rash), ertalabki va kechqurungi zikrlarni tark etmang

Qarinni davolash sabr va izchillik masalasi — bir necha kunda emas, yillar davomida to'planib qolgan ta'sirning ketishi uchun vaqt kerak bo'ladi, inshaalloh.

Manba: Shayx Favoz al-Asvad (Madinatul Ilm)

Tarjima va tuzuvchi: roqiy (ruqya qiluvchi) Faisal Ahmed Sobit — Al-Qur'on Ruqya Davolash Markazi