Bir oyatning o'zidayoq jodu ishdan chiqadi — jodugar uchun "zarba"

Shayx aytadi — Yunus surasining bir oyatida shunday buyuk sir bor: uni tilovat qilganda jodugar va joduning xizmatkori zarba yeydi, joduning "topshirig'i" esa mashina kabi ishdan chiqadi inshaalloh.

Avval jodugar nima qilishini tushuning

Tajribali roqiylar biladi — shaytonlar jodugarga shart qo'yadi: jodu Qur'onning bir oyatini harom qilib qilinishi kerak. Jodugar oyatni nopok narsa bilan yozadi yoki teskari qilib yozadi.

Qaysi oyat tanlanishi joduning maqsadiga qarab belgilanadi — ta'attil, kasallik, rizqning to'silishi; yana ism, tug'ilgan sana va shu kabilar.

Maqsad bitta — Alloh kalomining "teskari qilingan" shakli orqali sizning hayotingizni ham teskari qilib yuborish: taqdirga qulf, rizqqa qulf, odamlar bilan munosabatga qulf — Vallohu a'lam.

Endi javobni ko'ring

Yunus surasining shu oyatida Alloh e'lon qilmoqda —

"La tabdila li kalimatillah" Allohning so'zida hech qanday o'zgarish yo'q

Jodugar teskari qilgan oyat — bu e'lon oldida avvalgi joyiga qaytadi; shuningdek hayotingizdagi teskari bo'lib qolgan narsalar ham inshaalloh.

Shayx aytadi — bu amalni bergan kishilar jodu kuchsiz bo'lgani sababli katta foyda ko'rishdi: joduning topshirig'i endi umuman ishlamaydi, go'yo mashina ishdan chiqqandek inshaalloh.

Yunus surasi, oyat 64

لَهُمُ ٱلْبُشْرَىٰ فِى ٱلْحَيَوٰةِ ٱلدُّنْيَا وَفِى ٱلْءَاخِرَةِ ۚ لَا تَبْدِيلَ لِكَلِمَٰتِ ٱللَّهِ ۚ ذَٰلِكَ هُوَ ٱلْفَوْزُ ٱلْعَظِيمُ

Ularga hayoti dunyoda ham, oxiratda ham xushxabar bor. Allohning sozlarini ozgartirish yoq. Ana osha ulug` yutuqdir. (Sura Yunus 10:64 — Muhammad Sodiq Muhammad Yusuf)Nusxalash

Xushxabar, buyuk muvaffaqiyat va "hech qanday o'zgarish yo'q" — ta'attil, baxtsizlik va jodu bog'lovini yechishning hammasi bir oyatda. Subhanalloh!

O'qish usuli — ikkitadan istalgan biri

1. Kaft ustida: ikki qo'lingizni oldingizga olib o'qing — har 10 martadan keyin kaftga puflang va ikki qo'lingiz bilan butun badaningizni iloji boricha mas'h torting.
2. Suvda: stakan yoki shisha suvini og'zingizga yaqin tutib, ovoz chiqarib o'qing, har 10 martadan keyin puflang; oxirida suvni iching va ozgina olib yuzingiz, qo'l va oyoqlaringizni mas'h torting.
3. Ertalab istalgan vaqtda 100 marta + kechqurun/tunda istalgan vaqtda 100 marta

Bonus: har 3-4 kunda bir kun suvga o'qib, o'sha suv bilan cho'milib oling — Shayx aytadi, ajoyib inshaalloh.

Qancha vaqt va nimani kutish kerak?

• Bir necha kun ichidayoq — teskari bo'lib qolgan narsalar me'yoriga kela boshlaydi inshaalloh
• To'xtab qolgan ishlarda tayassur (yengillik), baxtsizlikning ketishi, odamlar bilan masofaning qisqarishi
• Muddat joduning kuchi va yangilanishiga bog'liq — 2-3 haftadan to to'liq bir oygacha; ko'proq davom ettirsangiz ham zarari yo'q

Asosiy gap bitta — izchil bo'ling. To'liq shifoni ko'rguningizcha to'xtamang inshaalloh.

Manba: Shayx Favvoz al-Asvad (Madinatul ilm)

Tarjima va tuzuvchi: roqiy Faysal Ahmed Sobit — Al-Qur'on ruqya davolash markazi