Jodu bekor bo'lganining yagona belgisi

Ko'pchilik yillar davomida "jodu hali ham bor" deb o'ylab yuradi — vaholanki u allaqachon barbod bo'lgan; faqat qo'rquv, vasvasa va noto'g'ri bog'lanishlarning chalkashligi qolgan xolos. Bugun inshaalloh o'sha chalkashlik tarqaydi.

Avval asosiy qoidani tushunib oling

"Jodu aniq maqsadga qaratilgan, ko'z tegishi esa keng tarqaladi"

• Jodu aynan bitta aniq maqsadni nishonga olib qilinadi — nikohni to'sish, er-xotinni ajratish, rizqni to'xtatish, kasallik yoki shifoni to'sish, safarni, o'qishni, ishni to'sish
• Ko'z tegishi va hasad butun hayotga yoyiladi — bittasi tegsa, tana "ochiq" bo'lib qoladi, ko'z tegishlar birin-ketin to'planib boradi: horg'inlik, holsizlik, tarqoq muammolar

Joduning bir vazifasi bor. Vazifa bor ekan — vazifa bajarilmay ham qolishi mumkin.

O'sha yagona belgi

Jodu to'sib turgan ishning aynan o'zi amalga oshib qolishi.

• Nikohni to'suvchi jodu bor edi — ruqya, duo va sadaqadan keyin nikoh bo'lib qoldi
• Ishni to'suvchi jodu bor edi — to'xtab qolgan loyiha muvaffaqiyatli bo'ldi
• Safar, shifo, ish, imtihon, rizq — nimaiki to'silgan bo'lsa, o'sha ochilib ketdi

Jodu qaysi maqsadda qilingan bo'lsa, aynan o'sha maqsad barbod bo'lsa — butun tizim quladi. To'silgan ishning amalga oshishi joduning qulaganidan darak berishidir, inshaalloh.

"Lekin menga hali ham yomon-ku!"

Ha — jodu buzilgandan keyin ham eski qo'rquv, vasvasa, ruhiy charchoq qolishi mumkin; ba'zi hollarda esa mass (jin tegishi) yoki qarinning haddan oshishi.

Lekin maqsadni to'sib turgan jodu — tugadi. Jodu yengilmas zot emas; uning bir vazifasi bor edi, vazifada mag'lub bo'ldi — u quladi.

Ehtiyot bo'ling — joduning xizmatkor shaytonlari jodu qulagandan keyin ham "hali bor" degan xayolni ko'rsatmoqchi bo'ladi; toki siz qo'rquvdan qaddingizni rostlay olmasangiz, har bir muammoni jodu bilan bog'lasangiz. Nikohdan keyin ham, muvaffaqiyatdan keyin ham "albatta nimadir qolgan" — bu tuzoqqa tushmang.

Unda keyin nima qilasiz?

1. Himoyani davom ettiring — mo'min doim himoya tilaydi: ertalabki va kechqurungi zikrlar, Baqara surasi, Oyatul Kursiy, istig'for, namoz.
2. Farq faqat bitta — himoyani xotirjam qalb bilan oling, vahima bilan emas.
3. "Aziyat chekayotgandek his qilish odati"dan chiqing — ba'zilar jodu bekor bo'lganidan keyin ham ishonishni xohlamaydi, chunki "men joduga uchraganman" degan fikr odatga aylanib qolgan.
4. O'zingizdan so'rang: to'silgan ish amalga oshdimi? Agar amalga oshgan bo'lsa, ayting — alhamdulillah, jodu barbod bo'ldi, tizim tugadi inshaalloh.

Manba: Shayx Favoz al-Asvad (Madinatul ilm)

Tarjima va tuzuvchi: roqiy Faysal Ahmad Sobit — Al-Qur'on Ruqya Healing Center