عین القبول — قبولیت پر نظرِ بد

نئے لوگ آپ کو پسند کرتے ہیں، قریب آتے ہیں — پھر کسی سمجھ میں آنے والی وجہ کے بغیر ہی دور ہو جاتے ہیں؟ بار بار، زندگی کے مختلف شعبوں میں؟ اس کا ایک نام ہے — عین القبول: قبولیت اور محبت کے پہلو ہی پر نظر لگ جانا۔

کہانی عموماً کچھ یوں ہوتی ہے

بچپن یا لڑکپن میں آپ سب کے پسندیدہ تھے — دوست بے شمار، دروازے خود بخود کھل جاتے تھے، آپ کی موجودگی ہی نمایاں ہوتی تھی۔

اور وہی نمایاں ہونا نقصان کا سبب بن گیا — برسوں تک اسی پہلو پر نظر جمتے جمتے قبولیت گھٹنے لگی، Wallahu a'lam۔

سب سے اہم علامت — قبولیت مکمل طور پر ختم نہیں ہوتی؛ ایک حصہ باقی رہتا ہے: آغاز اب بھی ہو جاتا ہے، لیکن قائم نہیں رہتا۔

اس پیٹرن کو ملا کر دیکھیں

• لوگ پہلے متاثر ہوتے ہیں — پھر دور ہو جاتے ہیں؛ رابطہ کم ہو جاتا ہے، تعلق کمزور پڑ جاتا ہے
• پراجیکٹ جوش سے شروع ہوتا ہے — پھر رک جاتا ہے، ٹھنڈا پڑ جاتا ہے
• سفر یا ملازمت کا موقع آتا ہے — آخری لمحے میں غائب
• آئیڈیاز شروع میں شاندار ہوتے ہیں — عمل درآمد میں ناکامی
• ایک ہی کہانی — تعلق میں، کام میں، شادی میں، کاروبار میں، سفر میں

مسئلہ آغاز میں نہیں — تسلسل میں ہے۔ آغاز موجود ہے؛ برکت، قائم رہنا اور جاری قبولیت ہی رکی ہوئی ہے۔

علاج 1 – 4 (کاغذ اور قلم لے لیں)

1. وقت پر نماز — حقیقی قبولیت اللہ ہی کے ہاتھ میں ہے۔
2. روزانہ استغفار — کتنے ہی بند دروازے استغفار سے کھلے ہیں! رکنا نہیں ہے — تسلسل ہی بنیاد ہے۔
3. کثرت سے درود شریف — بہترین صورت: درودِ ابراہیمی۔
4. روزانہ قیام اللیل — چاہے 2 رکعت ہی ہو؛ بند دروازے کھولنے اور نظر کو کاٹنے کی بہترین دوا ہے ان شاء اللہ۔

علاج 5 – 7

1. نمازِ فجر — پھر بیٹھ کر 15-30 منٹ تسبیح؛ شیخ فرماتے ہیں کہ اس سے نور، برکت اور قبولیت بڑھتی ہے ان شاء اللہ۔
2. سورۃ القلم — روزانہ 3 بار
3. پانی پر سورۃ القدر — بلند آواز سے روزانہ 10-15 منٹ؛ اس پانی سے غسل کریں یا منہ دھو لیں — ساتھ دعا: "اے اللہ! میری قبولیت اور برکت مجھے لوٹا دے"؛ شیخ فرماتے ہیں — آزمودہ ہے ان شاء اللہ۔

ساتھ نظر کے رقیہ کی آڈیو باقاعدگی سے سنیں۔

آخری بات یاد رکھیں

قبولیت اللہ کے ہاتھ میں ہے۔

وہ جس کے لیے لوگوں کے دل کھول دیتا ہے — اسے کوئی بند نہیں کر سکتا۔ نظر اور حسد محض اسباب ہیں؛ مالک وہی ہے۔

اس لیے علاج کی فہرست دوبارہ دیکھیں — ہر چیز دراصل اللہ کی طرف لوٹنا ہے۔ یہی عین القبول کی اصل دوا ہے ان شاء اللہ۔

ماخذ: شیخ فواز الاسود (Madinatul Ilm)

ترجمہ و ترتیب: راقی Faisal Ahmed Sabit — القرآن رقیہ ہیلنگ سینٹر