Mana shu 7 ta alomat mos kelsa, shifo topa boshlaganingizni bilib oling

Jimgina azob chekkanlar (28-kundagi "to'rtinchi toifa") uchun shifo ham jimgina keladi — qichqiriq, tutqanoq yoki dramatik reaksiyalarsiz. Mana shu 7 ta nozik alomatni yaxshilab eslab qoling.

1 va 2-alomatlar

• Tushlardagi kutilmagan o'zgarish — dahshatli tushlar to'satdan kamaygan yoki o'zgargan; go'zal bo'lmasa ham, aynan o'zgarishning o'zi katta ishora — chunki o'zgarish avval ko'rinmas olamda, ya'ni tushda boshlanadi
• Izohlab bo'lmaydigan ichki yengillik — to'liq quvonch yoki xotirjamlik emas, lekin ichingizdagi bir bosim go'yo ketgandek, hech qanday sababsiz yengil his qilasiz

3 va 4-alomatlar

• Salbiy o'ylarning o'z-o'zidan kamayishi — avval tashvish va tahlillardan charchagan narsalaringiz endi yengil tuyuladi, munosabatingiz xotirjam — urinishsiz
• To'xtab qolgan ishlarning qimirlay boshlashi — to'liq ochilmasa ham, yopiq bo'lgan biror ishda to'satdan aloqa yoki imkoniyat paydo bo'lishi — bu ta'attilni ochilishining eng kuchli dastlabki alomatidir

5 va 6-alomatlar — yashirin alomatlar

• Jozibali tuyulgan odatdan qiziqishning yo'qolishi — haddan tashqari dangasalik, yolg'izlik, o'zini chetga tortish yoki biror yomon odatga bo'lgan mayl to'satdan susayishi — bu qaror emas, ichki o'zgarishdir
• Ruqyadan zerikish — davom ettiryapsiz, lekin "hech narsa bo'layotgani yo'q, avvalgidek" deb tuyuladi — ko'pchilik buni xato ravishda muvaffaqiyatsizlik deb o'ylaydi, aslida bu narsaning zaiflashib qolgani va endi reaksiya bermayotganining ishorasidir

7-alomat

Oddiy his-tuyg'ularning sekin-asta qaytishi — hayotga qiziqish, e'tibor, kuch, o'zgarishni xohlash istagi — hech qanday bosimsiz asta-sekin qaytmoqda.

Kasallik qanday jim bo'lsa, shifo ham shunday jim

To'rtinchi toifa kasallikning boshlanishini ham aniq ko'rmaydi, shifoning boshlanishini ham aniq ko'rmaydi — lekin o'zgarish xotirjam, sekin va chuqur tarzda sodir bo'ladi.

"Hech narsa bo'lmadi, hech narsa his qilmadim" deb to'xtab qolmang — o'zingizdan so'rang: eng kichik bo'lsa ham biror o'zgarish bo'ldimi?

Bugunoq yozib qo'ying

Mana shu 7 tadan birortasini ham o'zingizda sezsangiz, dastur ishlayotganini bilib oling — davom eting.

Jim alomat — eng kuchli dalil. Sabr bilan davom eting, inshaalloh.

Manba: Shayx Fovvoz al-Asvad (Madinatul Ilm)

Tarjima va tuzuvchi: Roqiy Faysal Ahmad Sobit — Al-Qur'on ruqya davolash markazi