Joduni jodugarning o'ziga qaytaring

Jodu qilgan yoki jodugarning oldiga borgan kishining ismini bilsangiz ham, bilmasangiz ham — ikki sura bilan joduni aynan o'zining tomoniga qaytarish amali bugungi postda, inshaalloh.

Ikki kuchli sura

Ismini bilsangiz, duoda ismini tilga oling; bilmasangiz ham zarari yo'q — ismsiz niyatning o'zi yetarli.

• Fil surasi — jodugarni tez bezovta qiladi, vallohu a'lam
• Zilzola surasi — titrash va oshkor bo'lish surasi; jodugarga ham, jodu qildirgan kishiga ham qarshi

Usul — kechasi, oxirgi uchdan birida

1. Kechasi o'qing — eng yaxshisi oxirgi uchdan birida, uyqudan oldin ham bo'ladi.
2. Zilzola surasini 21 marta ovoz chiqarib o'qing.
3. Keyin Fil surasini 21 marta o'qing.
4. Niyat qiling — jodu va azob jodugarning va uni yuborgan kishining o'ziga qaytsin.

Shundan so'ng duo — 10-30 daqiqa

Ikki surani o'qiganingizdan so'ng kamida 10 daqiqa, imkon bo'lsa yarim soat shu ko'rinishdagi duoni qiling:

"Yo Alloh, jodugarlarni titratib yubor. Menga jodu qilgan kishini titratib yubor. Jodugarning oldiga borgan kishini titratib yubor, uni halok qil. Joduni o'zining ustiga qaytar, azobni o'zining ustiga qaytar."

Ismini bilsangiz, qo'shimcha qiling

Ba'zi odamlar kim jodu qilganini 100% aniq biladi — hatto o'sha kishining o'zi buni bildirib qo'yadi. Shunday bo'lsa, duoda ismini aytib so'rang:

"Yo Alloh, falonchini titratib yubor, joduni uning ustiga qaytar, uni halok qil, qattiq jazola, uning ustiga o'zining shaytonini va joduni yukla."

Har kuni qiling

Har kuni Zilzola 21 marta + Fil 21 marta + duo — shu izchillikni davom ettiring, Allohning o'zi egasi va boshqaruvchisidir.

Jodu kimning qo'lida tayyorlangan bo'lsa, o'sha kishining qo'liga qaytsin, inshaalloh.

Manba: Shayx Favoz al-Asvad (Madinatul ilm)

Tarjima va tuzuvchi: roqiy Faysal Ahmed Sobit — Al-Qur'on ruqya shifo markazi