جادو کو جادوگر ہی کی طرف لوٹا دیں

جس نے جادو کیا ہے یا جو جادوگر کے پاس گیا ہے — اس کا نام آپ جانتے ہوں یا نہ جانتے ہوں، دو سورتوں کے ذریعے جادو کو اسی کی طرف لوٹانے کا عمل آج کی پوسٹ میں ان شاء اللہ بیان ہوگا۔

دو طاقتور سورتیں

اگر نام معلوم ہو تو دعا میں نام لیں؛ اگر معلوم نہ ہو تب بھی کوئی حرج نہیں — نام کے بغیر صرف نیت ہی کافی ہے۔

• سورۃ الفیل — جادوگر کو جلد بے چین کر دیتی ہے، واللہ اعلم
• سورۃ الزلزال — لرزش اور پردہ فاش ہونے کی سورت؛ جادوگر اور جس نے جادو کروایا ہے دونوں کے خلاف

طریقہ — رات میں، آخری تہائی میں

1. رات میں پڑھیں — سب سے بہتر آخری تہائی میں ہے، سونے سے پہلے بھی چل جائے گا۔
2. بلند آواز سے سورۃ الزلزال 21 بار پڑھیں۔
3. پھر سورۃ الفیل 21 بار پڑھیں۔
4. نیت کریں — جادو اور تکلیف جادوگر پر اور اس پر جس نے اسے بھیجا ہے لوٹا دی جائے۔

اس کے بعد دعا — 10 سے 30 منٹ

دونوں سورتیں پڑھنے کے بعد کم از کم 10 منٹ، ہو سکے تو آدھا گھنٹہ اس طرز کی دعا کریں:

"اے اللہ! جادوگروں کو لرزا دے۔ جس نے مجھ پر جادو کیا ہے اسے لرزا دے۔ جو جادوگر کے پاس گیا ہے اسے لرزا دے، اسے تباہ کر دے۔ جادو اسی پر لوٹا دے، تکلیف اسی پر لوٹا دے۔"

اگر نام معلوم ہو تو اضافہ کریں

کچھ لوگ 100% یقین سے جانتے ہیں کہ جادو کس نے کیا ہے — یہاں تک کہ وہ شخص خود ہی بتا دیتا ہے۔ ایسی صورت میں دعا میں نام لے کر کہیں:

"اے اللہ! فلاں کو لرزا دے، جادو اسی پر لوٹا دے، اسے تباہ کر دے، اسے سخت سزا دے، اس پر اسی کا شیطان اور اسی کا جادو مسلط کر دے۔"

روزانہ کریں

روزانہ زلزال 21 بار + فیل 21 بار + دعا — یہ سلسلہ جاری رکھیں، اللہ ہی مالک اور مختارِ کل ہے۔

جادو جس کے ہاتھ سے بنا ہے، اسی کے ہاتھ کی طرف لوٹ جائے ان شاء اللہ۔

ماخذ: شیخ فواز الاسود (مدینۃ العلم)

ترجمہ و تالیف: راقی فیصل احمد ثابت — القرآن رقیہ ہیلنگ سینٹر