Baxtni o'g'irlovchi shayton — u qaysi surada kuyib ketadi

Nimani rejalashtirmang — hatto faqat ko'nglingizdan o'tkazsangiz ham — to'xtab qoladimi? Boshqalarda o'z-o'zidan bo'ladigan narsa sizda barbod bo'ladimi? Shayx buning ortida jinlarning alohida bir toifasini ko'rmoqda — moridlarni.

Moridlar kimlar?

Jinlarning ham toifalari va darajalari bor — Qur'on va hadislarda turli gaplar kelgan. Morid — itoatsiz, kuchli bir toifa — Qur'onda to'g'ridan-to'g'ri Saffot surasida kelgan.

Ularning qadimgi kasbi nima bo'lganini bilasizmi? Istiroqus sam' — osmon xabarlarini o'g'irlab eshitish va uni jodugarlar hamda folbinlarning qulog'iga yetkazish. Qur'on nozil bo'lganidan keyin meteorlar qo'riqlashi bilan bu yo'l yopilgan.

Shayxning izohicha — bu toifa kimningdir ustiga o'rnashib olganda (jodu, hasad yoki ko'z tegishi (nazar) yo'li bilan, yoki o'z hasadi tufayli), u eski odatini qayta boshlaydi: endi osmonning emas — sizning xabaringizni o'g'irlaydi — vallohu a'lam.

Muammo aynan shu ekanini qanday bilasiz?

• Nikoh haqida gap ketyapti — u eshitib qoladi, yugurib borib barbod qiladi
• Ish yoki safar xabarini kutyapsiz — yetib kelmasidanoq buziladi
• Odamlar siz haqingizda gapirishi bilan o'sha ish to'xtab qoladi; hatto o'z ko'nglingizda o'ylasangiz ham
• Avval baxtli edingiz — endi esa aksincha; voqealar esa qayta-qayta bir xil tarzda

Shayxning asosiy qoidasi: "Qayta-qayta bo'ladigan narsa — o'rnashgan narsadir." Aynan shu takrorlanish ta'sirning isbotidir — albatta, hammasi Allohning hukmi ostida, vallohu a'lam.

Davo — Saffot surasining dastlabki 10 oyati

Nega aynan shu sura? Chunki Alloh aynan shu yerda quloq soluvchi shaytonlar yonayotgan meteor bilan quvib solinishini aytgan. Uni osmondan quvgan oyat, inshaalloh, uni hayotingizdan ham quvadi.

1. Har kuni ertalab dastlabki 10 oyatni — 10 marta
2. Kechqurun — 10 marta — ovoz chiqarib; oxirida pufla, imkon qadar tanangizni mash qiling
3. Iloji bo'lsa har namozdan keyin — 1, 3, 7 yoki 10 marta — imkon qadar

Qo'shimcha — uyqu paytida

Shayx yana bir narsani qo'shgan —

Uxlayotganda uyda Saffot surasi audiosini qo'yib qo'ying — bir marta, ikki marta yoki takrorlab 2-4 soat — shayx aytadiki, bu ham ajoyib, inshaalloh.

Uxlab yotganingizda ham uning makoni qizib boraveradi — u bardosh bera olmaydi, inshaalloh.

Shundan keyin nimani ko'rasiz?

• Ishlaringiz ustidan to'siqlar ketmoqda — to'xtab qolgan narsa oldinga siljimoqda
• Oxirgi daqiqadagi o'zgarishlar kamayib bormoqda
• Odamlarning sababsiz yuz o'girishi, gap tarqatishi, nafrati — yo'qolib bormoqda, inshaalloh

Bu xabis ketganda sezasiz — sizning "baxtsizligingiz" aslida taqdirning aybi emas edi; yo'lda kimdir turgan edi. Tavfiqni beruvchi Allohdir.

Manba: Shayx Favoz al-Asvad (Madinatul Ilm)

Tarjima va tuzuvchi: roqiy Faysal Ahmad Sobit — Al Qur'on Ruqya Davolash Markazi