5 daqiqalik sinov — qarin sizga yopishib olganmi yoki yo'qmi

Bitta kichik, kuchli surani bir necha daqiqa o'qishning o'zi — sizning qariningiz sizga yopishib olganmi yoki yo'qmi, shuni oshkor qiladi. Bunga qo'shimcha ravishda shayxning bergan yana bir oddiy tashxis usuli ham bor — ikkalasi ham bugun inshaalloh.

Tashxis 1 — "O'ylasangiz bas, ish to'xtab qoladi"

Ishga ariza, safar, mashina sotib olish — odamlar oldida aytishingiz bilan (hatto bitta odam oldida bo'lsa ham) ish to'xtab qoladimi? Bu asosan ko'z tegishi (nazar) turi — oldingi postda aytganman.

Lekin endi asosiy hayratli joyi shu — ba'zilar ehtiyot bo'lib, hech kimga aytishni butunlay to'xtatdi. Shunday bo'lsa-da, ish faqat ko'ngil ichida aylangani — bir soat, ikki kun, uch kun o'ylagani — va shu bilan to'xtab qolgani ma'lum bo'ldi!

Shayx aytadi — bunday holat qayta-qayta takrorlansa, shuni bilingki: sizning qariningizning o'zi sizga yopishib olgan — aynan u hasad qilmoqda, ko'z tegishi (nazar) bilan ta'sir qilmoqda, atrofdagi ishlarni to'xtatib qo'ymoqda — Vallohu a'lam. Chunki sizning o'ylaringiz uning oldida ochiq.

Tashxis 2 — Nos surasi sinovi

1. Xotirjam o'tiring.
2. Nos surasini tilovat qilishda davom eting — ovoz chiqarib, sekin, diqqat bilan; muayyan son yo'q.
3. 4-5 daqiqa davom eting
4. Tanangizdagi ta'sirga e'tibor bering — ayniqsa ko'krak, bosh va yuzda.

O'ylab ko'ring — oxirgi oyati aynan "minal jinnati van nos" bo'lgan sura — vasvasa soluvchi yashirin hamroh'ga qarshi bundan ko'ra to'g'ridan-to'g'ri qurol yana nima bo'lishi mumkin!

O'qiyotganda quyidagilarni sezsangiz...

• Tez-tez, qattiq esnash boshlanishi
• Ko'krakda aniq bosim va siqilish
• Yengil bosh og'rig'i yoki bosh va yuzda noqulaylik

Bular paydo bo'lsa — qarinning tasallutu borligiga ishora, vallohu a'lam. Esda tuting: ba'zan muammo faqat qarin, ba'zan esa unga ko'z tegishi (nazar)/hasad/jodu ham aralashgan bo'ladi — shuning uchun to'liq tashxis zarur.

Aniqlansa, endi nima qilish kerak?

Qo'rqadigan narsa yo'q — qarinning tasallutu davolanadigan inshaalloh. Qarinni itoatkor qiladigan dasturlardan birini aynan shu turkumda bergan edim — 4-kunning "10 kunlik vazifa"si (Ixlos 100 + muztarning oyati).

Ertaga esa inshaalloh yana ajoyib narsa keladi — qarinning "xotirasini" o'chirib tashlaydigan, eski odatlarni unutdiradigan sura.

Bugun sinovni o'tkazib ko'ring — yana nimalarni sezganingizni o'zingiz uchun yozib qo'ying; tashxis vaqtida asqotadi.

Manba: Shayx Favoz al-Asvad (Madinatul ilm)

Tarjima va tuzuvchi: roqiy Faysal Ahmed Sobit — Al Qur'on ruqya davolash markazi