Odamlar ko'zida obro'-e'tiboringiz hasad nishoniga aylanganda

Hamma hasad deganda kasallik yoki rizqning to'silishini o'ylaydi. Holbuki eng xavfli turlaridan biri — obro', martaba va odamlar orasidagi qabulga zarba berishdir. 5 ta alomat orqali taniysiz inshaalloh.

Alomat 1 – 3

• 1. Odamlar birinchi ko'rishda maftun bo'ladi, maqtaydi — keyin birdan hammasi o'zgarib ketadi; holbuki katta xato qilmagansiz, hech qanday voqea ham bo'lmagan
• 2. Tez-tez noto'g'ri tushunilish — yaxshi gap aytdingiz, u qiyshaygan holda yetib bordi; xayrixohlik qildingiz, teskari tushunildi — go'yo sizning suratingiz buzilib odamlarga yetib boradi
• 3. Mish-mish va yomon gumon — aytmagan gapingiz sizning nomingizdan tarqaladi; sizni umuman tanimaydiganlar ham hukm chiqarib qo'yadi

Alomat 4 – 5

• 4. Boshqalar osongina qabul topadi — siz esa shu natija uchun katta mehnat qilasiz; go'yo sizning va odamlar qalbi orasida ko'rinmas devor bor
• 5. Yangi joy, ish yoki munosabat — boshlanishi ajoyib, keyin izohsiz sovuqlik, nafrat, orqaga chekinish

Muhim muvozanat: odamlar bilan bo'lgan har bir muammo hasad emas! Xulq va muloqotdagi xatolar ham bo'ladi. Lekin gap ko'zga tashlanadigan darajada takrorlansa — ko'p odamlar, ko'p joylar, ko'p tajribalarda — o'zingizni tahlil qilish bilan birga himoya va ruqyani ko'paytiring.

Davolash

1. Ertalabki va kechqurungi zikrlar — e'tiborsiz qoldirmang.
2. Falaq surasini ko'proq o'qing — hasaddan panoh so'rash uchun eng yaxshi suralardan biri.
3. Ko'proq istig'for (kechirim so'rash) va salovot (durud) — qiyinchilik ketadi, barakat (baraka) keladi.
4. Odamlarning gap-fikrlari haqida haddan ortiq band bo'lishni tashlang — "kim yaxshi ko'radi, kim yo'q" deb kuzatib yursangiz, ruhiy charchoq ortadi xolos.
5. Samimiy duo — Alloh yer yuzida siz uchun qabulni nasib qilsin.

Taskin so'zi

Alloh ba'zi bandalari uchun odamlar orasida shunday muhabbat va qabul joylab qo'yadiki — uni hech kim to'sa olmaydi.

U sizga qalblarni ochsa — hech kim yopa olmaydi. U himoya qilsa — hech bir hasadgo'yning hasadi, hech bir hiyla-makr qiluvchining hiylasi zarar yetkaza olmaydi; faqat Alloh yozib qo'ygan narsagina bo'ladi.

Duo qiling — "Allohumma arzuqnal qobula val mahabbata fi toatik" — Yo Alloh, Sening itoating doirasida turgan holda bizga qabul va muhabbat ato et. Omin.

Manba: Shayx Favoz al-Asvad (Madinatul ilm)

Tarjima va tuzuvchi: Roqiy Faysal Ahmad Sobit — Al Qur'on ruqya shifo markazi