شادی روکنے والا جادو — علامات اور توڑنے کا طریقہ

یہ لڑکے اور لڑکی دونوں کے ساتھ ہوتا ہے۔ پہلے علامات کو ملا کر دیکھیں — تمام یا زیادہ تر علامات ملیں تب ہی یہ علاج اختیار کریں؛ شیخ فرماتے ہیں کہ تب یہ کافی ہوگا ان شاء اللہ۔

علامات 1 – 5

• مسلسل سر درد — ہر وقت یا رک رک کر
• شدید سینے پر بوجھ — گویا سینے پر کوئی بھاری چیز بیٹھی ہو
• رشتے کے دوسرے فریق کا بدصورت نظر آنا — کبھی کسی جانور کی شکل میں، یا اس سے بدبو آنا (لڑکے اور لڑکی دونوں کے ساتھ)
• دوسرے فریق کے سامنے شدید بے چینی اور ٹینشن
• پیٹ میں شدید درد اور پھولاؤ — دوا سے افاقہ نہ ہونا (خاص طور پر اگر کھلایا ہوا جادو ہو)

علامات 6 – 9 (اور اگلے مرحلے کی علامات)

• کمر کے نیچے درد؛ جسم اور رانوں کے درمیان نیلے نشان
• رشتہ لوٹانے کے بہانے بنانا — منگنی توڑنے کے بہانے ڈھونڈنا
• بے وجہ شادی کے خیال ہی سے بیزاری
• بڑھے ہوئے کیسز میں: عجیب آوازیں سنائی دینا، حد سے زیادہ غصہ، آنکھوں میں سائے کا خیال، گھر چھوڑ کر بھاگنے کا خیال، (لڑکیوں میں) ماہواری کی بے ترتیبی، شدید بے خوابی

خواب میں: جوتے، کپڑے یا ذاتی چیزوں کا کھو جانا؛ لوگوں کے ہجوم میں ننگے پاؤں چلنا؛ باتھ روم میں داخل نہ ہو پانا یا حاجت پوری نہ کر پانا؛ بار بار شادی کی تقریب دیکھنا — واللہ اعلم۔

علاج کی بنیاد

1. صبح و شام کے اذکار — باقاعدگی سے۔
2. وقت پر نماز؛ اللہ کا قرب؛ گناہوں سے دوری۔
3. کثرت سے درود شریف — خاص طور پر درودِ ابراہیمی، بڑی تعداد میں۔

اصل عمل — مہندی کا آمیزہ

1. مہندی (حنا) لیں۔
2. ملائیں: تھوڑا سا قسط ہندی کا سفوف + تھوڑا سا ریحان (تلسی کی قسم) کا سفوف (عطر و مصالحہ کی دکان سے مل جاتا ہے) + تھوڑا سا کالا مشک + ذرا سا عرقِ گلاب۔
3. اچھی طرح ملائیں؛ پھر اس پر سورۃ الفاتحہ پڑھیں — کم از کم 21 بار، ممکن ہو تو 100 بار (بہت خوب) — پھونک کے ساتھ۔

کہاں لگائیں، کتنی بار

1. سر پر لگائیں — یہی اصل جگہ ہے۔
2. ممکن ہو تو دونوں ہاتھوں پر — خاص طور پر انگلیوں پر: شیخ فرماتے ہیں کہ منگنی اور شادی کی انگوٹھی کو روکنے والے "تالے" کا انگلیوں سے تعلق ہے۔
3. اور دونوں پاؤں پر۔
4. مہینے میں 2 بار — درمیان کے دنوں میں اوپر بیان کیے گئے بنیادی اعمال اور رقیہ جاری رکھیں۔

شیخ کے الفاظ میں — "شفا کی خوشخبری لیں: وہ تالا، زنجیر اور تعطل ٹوٹ جائے گا ان شاء اللہ۔" آزمودہ، بابرکت طریقہ۔

ماخذ: شیخ فواز الاسود (مدینۃ العلم)

ترجمہ و تالیف: راقی فیصل احمد ثابت — القرآن رقیہ ہیلنگ سینٹر