رقیہ کے ثمر کو روک رکھنے والی گرہ — کافیۃ الرأس

رقیہ سنتے ہی نیند آنے لگتی ہے، بے چینی محسوس ہوتی ہے، اور یاد بھی نہیں رہتا کہ کیا پڑھا گیا؟ سر کی ایک مخصوص جگہ پر گرہ ہو تو ایسا ہوتا ہے — یہی رقیہ کے مکمل فائدے کو روک دیتی ہے، واللہ اعلم۔

کافیۃ الرأس — سر کا تاج

سر کا سب سے اوپر کا حصہ — کافیۃ الرأس — یہیں خبیث اثر سب سے طاقتور گرہ بناتا ہے۔ یہ جگہ سخت اور مضبوط ہونے کی وجہ سے گرہ بھی خاص طور پر مضبوط ہوتی ہے — اسے کھولنا اور تباہ کرنا ہوگا ان شاء اللہ، تبھی اصل آرام اور علاج کا مکمل نتیجہ ملے گا۔

وہ علامات جو رقیہ کے دوران نظر آتی ہیں

• رقیہ سنتے ہی نیند آنا، شدید غنودگی
• اسی کے ساتھ رات کو عام نیند نہ آنا — بے خوابی
• رقیہ، پروگرام، تلاوت یا دعا کے وقت توجہ نہ رہنا، کیا پڑھا گیا یاد نہ رہنا

یہ علامات ہوں تو سمجھیں کہ سر کے اوپری حصے میں اثر بیٹھا ہوا ہے، واللہ اعلم۔

تیل تیار کریں

زیتون کا تیل یا کلونجی کا تیل (سب سے بہتر) لیں — نہ ملے تو کیسٹر (ارنڈی) کا تیل بھی چلے گا، یہ جلد جذب ہو جاتا ہے۔

تیل کو منہ کے قریب رکھ کر، ممکن ہو تو قبلہ رخ ہو کر بلند آواز سے پڑھیں اور پھونک ماریں: سورۃ الفاتحہ 7 بار، سورۃ الزلزال 7 بار، سورۃ الفلق اور سورۃ الناس ہر ایک 7 بار، سورۃ الکہف 1 بار۔

مالش کا طریقہ

1. یہ دم کیا ہوا تیل سر کے بالکل اوپر کے حصے پر لگائیں۔
2. کم از کم 10 منٹ مالش کریں۔
3. روزانہ 3 سے 5 بار مختلف اوقات میں کریں۔
4. اگر ممکن ہو تو ہر وقت کی نماز کے بعد — یہ سب سے بہتر وقت ہے۔

جو آپ محسوس کریں گے ان شاء اللہ

رقیہ اور پروگرام جاری رکھنے کے ساتھ ساتھ یہ مالش مسلسل کریں گے تو محسوس ہوگا — گرہ کھل رہی ہے، اثر اس جگہ سے ہٹ رہا ہے۔

رقیہ سنتے وقت توجہ بڑھتی جائے گی، نیند اور تھکن کم ہو جائے گی، دعا اور تلاوت میں بھی یکسوئی لوٹ آئے گی ان شاء اللہ۔

توکل کے ساتھ شروع کریں

یہ آزمایا ہوا، آسان طریقہ ہے — صرف اللہ پر بھروسا کر کے شروع کریں، مسلسل لگے رہیں۔

گرہ کھل جائے تو رقیہ کی پوری قوت کام کرے گی ان شاء اللہ۔

ماخذ: شیخ فواز الاسود (مدینۃ العلم)

ترجمہ و تالیف: راقی Faisal Ahmed Sabit — القرآن رقیہ ہیلنگ سینٹر