رات کی ایک چھوٹی سی سورۃ — دفن شدہ اور دور کے جادو کا خاتمہ

جو جادو زمین میں دفن ہو، بہت دور رکھا گیا ہو، یا جس کی جگہ ہی معلوم نہ ہو — حتیٰ کہ جنات کے ہاتھوں بنایا گیا جادو بھی — ان سب کے لیے شیخ نے ایک ہی تدبیر بتائی ہے: سورۃ الزلزال، رات کے وقت، ان شاء اللہ۔

یہ عمل کن کے لیے ہے؟

• وہ لوگ جن کا جادو زمین میں دفن ہو — خاص طور پر دور ہو، یا جگہ معلوم نہ ہو
• وہ لوگ جن پر جنات اور شیاطین نے خود جادو کیا ہو — بکھیر کر یا دفن کر کے؛ خواب میں یا جاگتے ہوئے جنہیں اس کا احساس بھی ہوتا ہو
• وہ لوگ جن کے گھر سے کپڑے اور چیزیں پراسرار طور پر غائب ہو جاتی ہیں — اور انہیں یقین ہو کہ یہ انسان کا کام نہیں

ان سب کا علاج ایک ہی طریقے سے ہے — شیخ کے الفاظ میں، ایک ہی سورۃ سے ان شاء اللہ۔

طریقہ — صرف رات میں

1. وقت: صرف رات میں؛ سب سے بہتر — رات کا آخری تہائی حصہ (تقریباً رات 2 بجے سے 4 بجے تک)؛ اگر نہ ہو سکے تو عشاء کے بعد یا سونے سے پہلے۔
2. 2 سے 3 لیٹر پانی لیں۔
3. اس پر سورۃ الزلزال بار بار پڑھیں — بلند آواز سے، ہر بار پھونک کے ساتھ۔
4. جتنی دیر ہو سکے: 5 سے 20 منٹ — اور اگر ہو سکے تو 100 بار — شیخ فرماتے ہیں، بہت خوب!

پانی کو اس طرح استعمال کریں

1. کم از کم 2 سے 3 گلاس پئیں۔
2. باقی پانی میں نمک ملا کر غسل کر سکیں تو بہت اچھا ہے۔
3. اگر نہ ہو سکے تو — اسی پانی سے وضو کریں، یا پورے جسم پر چھڑک لیں۔

نیت اور مدت

نیت کریں: "دفن شدہ، دور کی اور نامعلوم جگہوں کا سارا جادو — اور جنات و شیاطین نے نیند اور جاگتے میں جو کچھ بنایا ہے — سب باطل ہو جائے، اللہ کے حکم سے۔"

• ہر رات — ناغہ نہ کریں
• 7 دن سے لے کر پورے ایک مہینے تک جاری رکھیں — حالت کے مطابق

وہ سورۃ جو زمین کے ہلا دیے جانے اور اس کے اندر کے تمام بوجھ باہر نکال دینے کا ذکر کرتی ہے — دفن شدہ جادو کے خلاف اس کے استعمال پر غور کریں۔ Subhan Allah!

ماخذ: شیخ فواز الاسود (مدینۃ العلم)

ترجمہ و تالیف: راقی فیصل احمد ثابت — القرآن رقیہ ہیلنگ سینٹر